Wir sind vom 22. bis 25. April geschlossen.
Mir sind es engagierts Team vo drü Lüt, wo sech mit Leidenschaf drum kümmere, dass es üsne Patientene guet geit. Dini Gsundheit und Zfriedeheit stöh i dr Mitti vo üsere Arbet. Du chasch di druf verlah, dass du bi üs nur dr bescht Service bechunnsch, will du nüt anders verdienisch.
Mir gloube, dass du nüt anders als s Beschte verdienisch, und genau das sträbe mir jed Tag a. Vom Momänt a, wo dür üsi Türe chunsch, chasch es härzlichs Wilkomme und en Service erwarte, wo üses Engagement für dini Gsundheit wider spiegelt. Mir nähme üs d Zit, di kennezlerne, dini individuelle Bedürfnisse und Ziel z verstah, damit mir e Therapieplan chöi erstelle, wo würkli uf di zuegschnitte isch.
Mir kümmere üs teufgründig um üsi Patiente und verstöh d Herusforderige, wo si hei. Mitgfüehl hilft üs, Vertroue uf z boue und d Heilig z unterstütze.
Mir blibe uf em neuschte Stand i dr Physiotherapie. Dis Engagement stellt sicher, dass üsi Patientene effektivi, massgschneidereti Behandlige erhalte.
Mir wüsse, dass d Genesig Zit brucht. Mir füehre üsne Patientene geduldig dür jede Schritt und verstöh, dass dr Fortschritt für jede anders isch.
Mir schätze klari Kommunikation. Mir lose zue, erkläre d Behandligsplän eifach und gäh regelmässigs Feedback, um üsi Patiente z motiviere.
Jede Patient isch einzigartig. Mir passe üsi Technike und Behandligsplän a, um dini veränderliche Bedürfnis z erfülle und di bestmögliche Resultat sicherzstelle.
Mir handle mit Ehrlichkeit und Integrität und stelle immer di beschte Interesse vo üsne Patientene i Vordergrund. Transparenz isch dr Schlüssel zum Vertroue ufbaue.
Mir schaffe eng mit andere Gsundheitsfachlüt und üsne Patiente zäme. Zämearbeit stellt sicher, dass aui Aspekt vo ihre Genesig abdeckt si.
Mir si em Erfolg vo üsne Patientene verpflichtet. Üses Engagement tribt üs a, d Behandlige stetig z bewerte und azpasse, um dis bestmögliche Resultat z erreiche.
Mi Name isch Maria Theodosiou, ich chume us Griechenland und ha vier Jahr lang Physiotherapie an dr Uni z Athen studiert. Sit em Summer 2021 lebe ich i dr Schwiiz – es Land, wo ich so fescht liebe, dass ich entschide ha, mini Tröim hie z erfülle: mini eigeni Physiotherapiepraxis z eröffne.
I minere Praxis setze ich das um, was ich i dr Schuel und i Seminar über d Maitland- und Bobath-Konzepte glärnt ha, mit Geduld, Usdauer und Verstah. Mis Ziel isch es, dir z helfe, die grösst möglichi Unabhängigkeit z erreiche und dini Schmerze bi chronische und nid-chronische Beschwerden z lindere.
Aber, pass uf: Wenni di bitte, nur en Schritt z mache, wirde ich der sage, du söttsch zwei mache! Ich glaube an mi, an di und an s Team, wo mir zäme bilde.
Mi Name isch Darius Beller und i freue mi, euch i üsere Physiotherapie begrüesse z’dürfe.
In Deutschland gebore und in dr Schwiz ufgwachse, freut’s mi sehr, euch jetz i miner Heimatregion de bescht möglichi Service i üsere Praxis abiete z’chönne. I bi derzit im letschte Jahr vo mim BWL-Studium z’Bern und verwände mis erlernts Wüsse, um d’Abläuf für euch so eifach wi möglichi z’halte, dass ihr vollumfänglich vo üsne hervorragende Physiotherapeute/Inne profitiere chönnt. Stetigs Lerne und Verbessere isch für mi obersti Priorität, was sich drmit zeigt, dass i euri Erfahrig bi üs ständig verbesere und s’Angebot erwitere wett.
Als Abwächslig zur Arbet unternime i gärn Uusflüg mit Fründe und Familie und gah usswärts ässe. Trotzdäm liebe ig z’choche und probier mi dert immer wieder neu us. Da i viel Wert uf Gsundheit leg, tribe ig viel Sport, um mi fit z’halte. I gah gärn i de Natur jogge und kombinier das mit Chrafttraining. E witeri Lideschaft isch s’Musiziere, will i das scho vo Chind uf mach. I spiel viel Intrument, doch am meischte schätz i s’Piano.
I bi gspannt, euch kennenzlerne und freue mi druf, euch uf ürem Wäg zue Besserig begleite z’dürfe.
Mi Name isch Ariane Beller. Ich bi z’Ostberlin uf d’Wäut cho, i dr ehmalige DDR. Mi Berufswäg als Physiotherapeutin hani a dr Humboldt-Universität z’Berlin agfange, wo i mini Liebi für neurologischi Physiotherapie entdeckt ha. Die Spezialisierig ha i vertüeft z’Hamburg am Karl-Kneissner-Institut, wo i mi als Chinderphysiotherapeutin qualifiziert ha.
Gli am Afang vo miner Karriere ha i d’Chance gha, bim Pionierprojekt d’Bobath-Methode z’lerne, wo sich mit sensorischer Integration befasst. Die Methode unterrichte ig scho sit Jahrzähnte, z’erscht im Bobathzentrum Dresden und später im Fortbildungszentrum Gelsenkirchen. In Gelsenkirchen ha i au e führendi Rolle i sim interdisziplinäre Team übernoh und ha eng mit dr Gschäftsleitig zämmegschafft.
Nach mire Akunft i dr Schwiiz ha i s’Glück gha, Maria z’treffe. Mir hei schnäll entschide, zäme e eigeti Praxis z’eröffne, wo mir üsi über d’Jahr aagsammleti Behandligsmethode nach üsne eigene Vorstellige chönne aawände.
Ich bi überzügt vo üsere Praxis und vo de Behandligsmethode und versichere dir, dass mir dir die bescht möglichi Betreuig gäh wärde, egal ob bi chronische oder neurologische Problem.